Akyekyedeɛ Akyi

Akyekyedeɛ Akyi yɛ ntoma bi din. Saa nsɛm yi yɛ ɛbe bi a woatwa no tia a ne tenten mu ne sɛ, "huruiɛ si akyekyedeɛ akyi a, ɔsi hɔ kwa". Ɛne sɛ, sɛ yɛhwɛ a akyekyedeɛ yɛ aboa bi a n'akyi yɛ den pa ara te sɛ ɛboɔ, ɛno nti sɛ huruiɛ yi si n'akyi a ɔsi hɔ kwa ɛfiri sɛ ɔnya aduane biara nni, ɔntumi nka n'akyi nso.

Ɔkwan bi so no ntoma yi din bɛtumi akyerɛ sɛ nea obi bɛyɛ biara no ɛmfa ne ho, ɛnka no mpo na ayɛ no ya. Sɛ ɔbaa bi te fie bi mu na fie hɔfoɔ ne no nya asɛm na sɛ ɔfira saa ntoma yi a, na ɛkyerɛ sɛ ɔde reka biribi akyerɛ wɔn sɛ hwee mfa ne ho na sɛ wɔyɛyɛyɛ a wɔbɛgyae. Na ɔno ankasa no biribiara ntumi no.