Akanfoɔ Nnuane

Akanfoɔ nnuane yɛ nnuane a Akanfoɔ na ɛdi anaa sɛ wɔde baeɛ.Mmom ɛnyɛ Akanfoɔ nko na wɔdi, wɔn a wɔnyɛ Akanfoɔ nso tumi di.Deɛ ɛma ɛyɛ Akanfoɔ aduane ne sɛ ɛnam wɔn nananom tetefoɔ so na ɛbaeɛ.Akanfoɔ nnuane no, ɛmu bɛyɛ sɛ ɔha mu nkyekyɛmu aduonkron deɛ wɔnoa. Ɛbi wɔ hɔ nso a wɔtumi toto anaa sɛ wɔkye. Akanfoɔ nnuane nso yɛ nnuane a nnuanennuro wɔ mu pa ara na ahoɔden nso wɔ mu.

Nnuane Ahodoɔ

Akanfoɔ nnuane no, wɔnya ne din berɛ a wɔayɛ aduane no awie.Akanfoɔ nnuane ahodoɔ no bi ne;

• Fufuo: Fufuo yɛ Akanfoɔ nnuane no mu baako a Akanfoɔ pɛ pa ara. Wɔde bankye ne borɔdeɛ anaa sɛ mankani na ɛyɛ. Ɛtɔ da nso a wɔde bayerɛ nko ara tumi yɛ. Wɔnoa na wɔde waduro ne wɔma awɔ ama no afe. Akadeɛ a wɔde ka ne nkwan bi te sɛ abɛkwan, katekonto ne deɛ ɛkeka ho nyinaa.
• Ampesie: Ampesie nso yɛ Akanfoɔ aduane a wɔde bayerɛ na ɛyɛ. Ɛnyɛ bayerɛ nko, Mankani ne borɔdeɛ nso ka ho. Wɔde abɔmu te sɛ kontomire abɔmu, nyaadewa abɔmu na ɛka ho di. Wɔtumi mpo di no saa.
• Banku: Banku yɛ Akanfoɔ aduane a wɔde aburo na ɛyɛ. Wɔde aburo gu nsuo mu ma no buru na afei wɔakɔyam ama no ayɛ mɔle na wɔde bankye mɔle nso aka ho na wɔaka ama no abɛyɛ banku.
• Dɔkono: Wɔde aburo na ɛyɛ. Wɔyam aburo no na wɔabɔ no wɔ borɔdeɛ ahaban mu na wɔanoa ama no ayɛ dɔkono.
• Abetie/Konkonte: Abetie nso yɛ Akanfoɔ aduane. Na deɛ wɔyɛ ne sɛ wɔdwa bankye na wɔahata ama no aho kama. Wɔwie a na wɔakɔyam ama no ayɛ ɛsam na afei wɔaka. Wɔde nkwan nso na ɛdi.
• Ɛtɔ: Ɛtɔ yɛ aduane wɔde borɔdeɛ a abere ama no ayɛ kɔkɔɔ na ɛyɛ. Wɔtumi nso de borɔdeɛ yɛ.

Nkwan/Abɔmu

• Abɛnkwan: wɔde abɛ na ɛyɛ.
• Nkatenkwan.
• Abunuabunu
• Nkrakrankwan
• Kontomire abɔmu
• Nyaadowa abɔmu
• Werɛwerɛnkwan