Agya Koo

Wɔatwerɛ nsɛm wei ɛwɔ Asante kasa mu

Agya Koo a ne din ankasa Alex Kofi Adu yɛ sinitwani kɛseɛ wɔ ɔman Ghana mu. Wɔwoo no Kotonimaa bosome no ɛda a ɛtɔ so aduonu nnum, afe apem ahankron aduosia nkron wɔ Asante mantam mu nanso wɔtetee no wɔ Nkran.Ɔyɛ sinitwani a wagye din pa ara wɔ kumawood adwumakuo no mu a wayɛ sini bɛboro ahaanu.

N’adwuma

Agya Koo hyɛɛ n’adwuma sɛ nsɛmkwani wɔ "Key Soap Concert Party" ansa na ɔrebɛyi sini wɔ afe 1999 berɛ no mu hɔ. Na sini a ɛyii no pueeɛ yɛ "Kumasi Yɔnkoɔ". Ɛsiane suahunu ne adom akyɛdeɛ a na ɔwɔ no nti, na ɔnmrɛ wɔ sini adwuma no mu koraa. Ɛtɔ da mpo a krataa a ɛwɔ sɛ ɔhwɛ so yɛ sini no sɛdeɛ ɛwɔ sɛ ɔyɛ no, ɔno ara ne nyansa ne ne nimdeɛ mu no ɔtumi yɛ a ɔnhwɛ krataa no so.

Fimɔgrafi

Sini ahodoɔ a Agya Koo ayɛ no bi na ɛdidi soɔ yi:

• Kumasi Yɔnkoɔ
• Ohia asoma woɔ
• Asɔre Ba
• Efie mpo nie
• Efie Abosea
• Agya Koo Commando
• Agya Koo Piki na Girls
• Agya Koo Bank Manager
• Agya Koo Gbengbentus
• Who is Who
• Kofi Agyenkwa
• Aha ayɛ dɛ.
• Saman Pa
• Away bus
• Ka wo nan to so
• Ɔbaa nti
• 419
• Ɛnnɛ nso bio.

Abaso Bɔ

Ɔman Panin dada John Agyekum Kuffour bɔɔ no abaso wɔ mmɔdenbɔ a ɔbɔɔ no wɔ dwumakuo a wɔhwɛ anigyeɛsɛm so.

Mprenpren Asetena

Agya Koo da so te ase a ɔrebɔ ne ho mmɔden wɔ sini adwuma mu ne amanyɔsɛm mu.