Africa Nkabom Kuo

Afrika Nkabom Kuo (AU) yɛ asasetam so nkabomu kuo a aman aduonum num (55) na ɛwɔ mu wɔ Afrika asasetam so . Wɔde AU too gua wɔ Sirte Mpaemuka dwumadie a wɔyɛeɛ wɔ Sirte, Libya, wɔ Ɛbɔ 9, 1999 mu, sɛ wɔmfa Afrika Aman Nkabom Kuo no nsi hɔ. Wɔde kuo no sii hɔ wɔ 9 Kitawonsa, 2002 wɔ Durban, South Africa. Na AU no tirimupɔ ne sɛ ɛbɛsi Afrika Biakoyɛ Kuo (OAU), a aman ahodoɔ aduasa mmienu (32) de wɔn nsa hyɛɛ aseɛ de sii hɔ wɔ Kotonimaa 25, 1963 wɔ Addis Ababa no ananmu; wɔguu OAU wɔ 9 Kitawonsa 2002. Aman mpanyinfoɔ a wɔka Afrika Aman Nkabom Badwa no ho no na esi AU gyinaeɛsie biara a ɛho hia, wɔ nhyiamu a badwa no hyia afe fa biara no.

AU asoɛeɛ, a wɔfrɛ no Afrika Nkabomu Kɔmisan, no wɔ Addis Ababa. Kuro a ɛso wɔ AU kuo no mu ne Lagos a ɛwɔ Nigeria, ɛna nkuro akɛseɛ a wɔaboaboa ano kɛseɛ ne Cairo a ɛwɔ Egypt. Afrika Aman Nkabom Kuo no mu nnipa bɛboro ɔpepepem baako ne akyiripɔ mmiensa (1.3 billion) na asaase a wɔwɔ so no bɛyɛ ɔpepem aduasa (30 million km² (12 million sq mi)), anaa), na wiase agyinaehyɛdeɛ bi te sɛ Sahara mpaprɛ ne asuo Nile ho . Kasa titire a wɔde di dwuma ne Arabic, Borɔfo, Franse, Portugal, Spania ne Swahili . Wɔ Afrika Aman Nkabom Kuo no mu no, yɛwɔ atenaeɛ ahodoɔ te sɛ Asomdwoe ne Ahobammɔ Badwa ne Afrika Nkabom Mmarahyɛ Badwa wɔ hɔ .

Wɔ G20 (Ku a emufoɔ yɛ aduonu (20)) nhyiamu bi a wɔyɛeɛ wɔ New Delhi, India, wɔ afe 2023 mu no, wogyee Afrika Aman Nkabom Kuo no too mu sɛ abɛyɛ G20 kuoba.

Nsɛm no tɔfabɔ

Afrika Aman Nkabom Kuo no botaeɛ ne sɛ:

1. Sɛnea ɛbɛyɛ a koroyɛ kɛseɛ, nkabomu ne ahotɔsoɔ kɛseɛ bɛba Afrika aman ntam.
2. Sɛ ɔbɛbɔ aman a wɔka ho no tumidie, asaase mu kyɛfa, ne wɔn ahofadie ho ban.
3. Sɛnea ɛbɛyɛ a nkabomu bɛba asasepɔn no amammuo, ne aman ntam asetena ne sikasɛm so ntɛmso.
4. Sɛ wɔbɛhyɛ Afrika gyinabea mu nkuran wɔ nsɛm a ɛfa asaasetam no, ne emu nnipa ho, na wɔabɔ ho ban.
5. Sɛ wɔbɛhyɛ amanaman ntam nkitahodie ho nkuran, a wɔ akwan an UN Mmarahyɛ Bagua, ɛne Amansan Kubaatan nhyehyɛeɛ a ɛfa nnipa faahodie ho kyerɛ no .
6. Sɛnea ɛbɛyɛ a asomdwoe, ahobammɔ, ne ahotɔ aba asasetam no so.
7. Sɛ wɔbɛhyɛ kabimamenkabi ahyɛdeɛ ahodoɔ mu kena, na ɔmanfoɔ nso anya kyɛfa wɔ amammuo papa mu.
8. Sɛ wɔbɛbɔ nnipa faahodie nhyehyɛeɛ ho ban, na wɔahyɛ mu kena sɛnea Afrika Mmara a Ɛfa Nnipa Faahodie Ho, ne nnipa ho nhyehyɛeɛ afoforo a ɛho hia ho.
9. Sɛ wɔde nhyehyɛeɛ ahodoɔ a ɛho hia besi hɔ, a ɛbɛma asasetam no atumi adi ne dwuma a ɛfata wɔ wiase nyinaa sikasɛm ne amanaman ntam nkitahodie mu.
10. Sɛ wɔbɛhyɛ sikasɛm, asetena ne amammerɛ mu nkɔsoɔ a ɛbɛtena hɔ daa mu nkuran, na Afrika amanaman betumi aka abom wɔ sikasɛm ne adwadie mu.
11. Sɛ wɔbɛhyɛ nkabom ho nkuran wɔ nnipa dwumadie nyinaa mu, na ama Afrikafoɔ asetena gyinapɛn akɔ soro
12. Sεdeε wɔbɛtoto na wɔaka nhyehyeε a εfa amanaman a wodi adwadie ne sikasɛm mu nsawɔsoɔ ho, ne nhyehyɛeɛ a, εbεba daakye no abɔ mu, ama nkabɔmukuo no anisoadehunu aba mu.
13. Sɛ yɛbɛma asasetam no nkɔsoɔ akɔ anim, ɛnam nhwehwɛmu a wɔbɛhyɛ mu kena wɔ nnwuma nyinaa mu, ne titire ne abɔdeɛ mu nyansapɛ ne mfididwuma.
14. Sɛ wɔne amanaman a ɛfata benya ayɔnkofa na wɔatumi ayi nyarewa a wɔbetumi asi ano afiri hɔ, ama apɔmuden pa anya nkɔsoɔ wɔ asaasetam yi so

Afrika Nkabom Kuo

African Union
Membership	Aman aduonum num (55)
Official languages	Twi, English, French, Arabic, Spanish, Portuguese, anaa Afrika kasa biara
Website	https://au.int/