Aduana (Akanfoɔ Abusuakuo)

Abusua yi ka Akanfoɔ mmusuakuo nnwɔtwe no ho na ɛka mmusua a ɛmufoɔ dɔɔso pa ara no ho. Ɛdin foforɔ a wɔde nim wɔn ne Atwea, Abrade, Amoakare ne Ada na wɔtaa frɛ abusua no mufoɔ Ogyaasefoɔ. Abakɔsɛm kyerɛ sɛ, Aduana na wɔde ogya ne sika baeɛ. Wɔn piesie ne Dɔmaa Kusi a ɔfiri Dɔmaa. Wɔn maanu ne Asumegya Kwabi. Wɔn mɛnsa ne Kumawu Tweneboa Kodua. Wɔn nnyesoɔ ne “Adu-na”, "Yaa Aberade anaa "Yaa Ogyaba". Wɔkyerɛ sɛ, Aduanafoɔ gyentia a ɛdi kan no da so da Dɔmaa Ahenkuro de bɛsi ɛnnɛ.^[1] Wɔn mmrane ahodoɔ bi ne "Aduana Atwea Aberade", "Aduana Nyankonpa Sakyire" ne “Aduegyafoɔ”. ^[1]

N'akraboa

Abusua yi akraboa ne ɔkraman a gya tua n'ano na saa ahyɛnsodeɛ yi gyina hɔ ma nokwaredie ne adwumaden.

Nkuro a wɔdɔm abusua yi

Wɔn nkuro no bi ne; Dɔmaa Ahenkuro, Akyem-Tafo, Wasa Akuropɔn, Aburi, Kwahu, Kumawu, Akwamu Heman, Asumanya, Kwaman, Boaman, Agogo, Banso, Obo-Kwahu, Kwahu Obomen, Apromaase, Akyem Apapam, Tikurom, Kaase, Apagya, Bompata, Kwaso, Akyease, Manso Agorɔyesum, Manso-Mmem, Manso-Abodom, Gomoa Ohua ne Nyinahene.^[2]

Ahemfoɔ a wɔdɔm Asona abusua

Ahemfoɔ a wɔdɔm Aduana abusua ne:^[3]

Akwamuhene (Akwamufie)
Takyimanhene
Assumnnyahene
Kumawuhene
Dormaahene
Boamanhene
Agogohene
Denyaasehene
Awua-Domasehene
Tikuromhene
Kumase Apagyahene
Nsuatrehene
Drobohene
Bompatahene
Manso Memhene
Kadehene - Akyem
Obohene
Obomenghene
Kwahu Asamankesehene
Kwaasohene
Kwaamanhene

Baabi a menyaa mmoa firiiɛ

[:0-1] 1 2 https://akannews.com/akan-mmusuakuo-ahodo%c9%94-no-w%c9%94n-abak%c9%94s%c9%9bm-ne-%c9%9bmu-ns%c9%9bm-binom/

[2] ttps://web.archive.org/web/20110711034925/http://asanteman.freeservers.com/custom.html

[3] ttp://www.asanteman.org/aduana.html

[1]

[2]

[3]