Adeyɔ Asɛm ( Verbs)

Wɔatwerɛ nsɛm wei ɛwɔ Asante kasa mu

Adeyɛ yɛ asɛmfua bi a ɛkyerɛ deɛ obi reyɛ anaa tebea a obi wɔ mu wɔ ɔkvasamu mu.

Adeyɛ a ɛkyerɛ nneyɛɛ anaa deɛ obi reyɛ no tumi ma wohunu adeɛ pɔtee a ɔyɛfoɔ no reyɛ. Sɛ ebia;

• Kofi rekɔ afuom.
• Ɔkraman no redi aduane no.
• Ama rekɔ nsuo.

Adeyɛ a ɛkyerɛ tebea a obi wɔ mu. Sɛ ebia;

• Kofi wɔ anigyeɛ mu.
• Ama wɔ awerɛhoɔ mu.

Adeyɛ Mu Nkyekyɛmu

Yɛtumi kyɛ Adeyɛ mu akuo mmiɛnsa sɛdeɛ ɛdidi soɔ yi:

Adeyɛ a ɛfa ɔyɛfoɔ nko ara

Yei yɛ adeyɛ a ɛtumi fa ɔyɛfoɔ nko ara a, ayɔdeɛ biara nka ho. Nhwɛsoɔ:

• Bra
• Kofi ada
• Ama kɔ
• Abɔfra no resu.

Adeyɛ a ɛtumi fa edin dwumadie mmienu.

Saa adeyɛ yi deɛ ɛtumi fa ɔyɛfoɔ ne ayɔdeɛ wɔ ɔkasamu mu. Nhwɛsoɔ;

• Ɔbɔfoɔ no akum aboa no
• Ɔkra no akyere akura no
• Ama awe nam no.

Adeyɛ a ɛfa edin dwumadie mmiɛnsa

Saa adeyɛ yi tumi fa ɔyɛfoɔ ne ayɔdeɛ mmienu. Nhwɛsoɔ;

• Maame no maa abɔfra no paanoo.
• Mekyɛɛ abaayewa no sika.
• Kwame manee me sika.