Ɔpemsoɔ Afahyɛ
Ɔpemsoɔ yɛ Asanteman afahyɛ a wɔdi de kae Otumfoɔ Ɔsɛe Tutu a ɔdi kan no awoɔ.
Asantefoɔ di saa afahyɛ yi mfeɛ mmienu biara de hyɛ Asantehene animmuonyam. Asantehene a ɔdi kan, Otumfoɔ Ɔsɛe Tutu a ɔdi kan na wɔhyehyɛɛ afahyɛ yi de maa no. Ɔno ne obi a wɔdii kan de abɔdin ''Ɔpemsoɔ'' no maa no.[1]
Afahyɛ yi berɛ so a, wɔyɛ ɔyɛkyerɛ fa Asantehene a ɔdi kan no awoɔ hi. Beaeɛ a wɔyɛ ɔyɛkyerɛ yi no, wɔfrɛ no Teneabasaso anaa Kwantakese(Ɛyɛ ɛpɔ kɛseɛ bi a wɔsusu sɛ ɛhɔ na wɔwoo no). Saa beaeɛ yi wɔ Kokofu-Anyinam a ɛwɔ Ghana Ashanti Mantam mu. [2][3][4] Ɛdin Teneabasaso ho abaɔsɛm ne sɛ, Otumfoɔ Osei Tutu a ɔdi kan no maame sɔɔ dua a wɔfrɛ no tene mman mu berɛ a na ɔkyem woeɛ.[5]
Afahyɛ no ho Abakɔsɛm
[sesa]Afahyɛ no, wɔdi de kae Asantehene a ɔgyee Asanteman nkabom sii hɔ no. [4]
Anosɛm abakɔsɛm kyerɛ sɛ Nana Gyamfua Manu Kutusi, a ɔwoo Ɔsɛe Tutu I no pɛɛ ba kyɛreeɛ. Ɔnyinsɛn mpɛn pii maa no sɛeɛ. Akyire yi na Awukugua bi a na ɔsom ɔbosom bi a wɔfrɛ no Tutu boaa no maa no nyaa ɔba no bi. Awoɔ kaa no no, na ɔnam afuomkwan so. Ɛmu yɛɛ den berɛ a ma waduru asuo Kaakawere ho. Ɔhyɛɛ asuo no bɔ sɛ ɔboa no ma n'awoɔ yɛ bɔkɔɔ a ɔde akokɔ ne hyenaapo bɛba abɛda ase. Wɔmaa ɔbaapanin baeɛ. Wɔde no kɔɔ onyina bi ase a ɛhɔ na ɔkɔwoeɛ.[6]
Berɛ a wɔdi Afahyɛ yi
[sesa]Wɔdi afahyɛ yi mfeɛ mmienu biara ntam. Ɛyɛ afahyɛ a Asanteman nni ho agorɔ koraa ɛsiane sɛ ɛfa wɔn hene a ɔdii wɔn anim maa wɔgyee fahodie firii Gyamanfoɔ ne Dankyirafoɔ nsam no awoɔ ho. Wɔyɛ amanneɛ pii wɔ afahyɛ yi mu. Wɔde nkokɔ, hyenaapo kɔyɛ amanneɛ wɔ asuo Kaakawere berɛ a wɔrekɔ nkwaantakɛseɛ pɔkɛseɛ no mu no. Ansa na Kokofu-Anyinam ahemfoo ne ɔkɔmfoɔ a wɔkɔyɛɛ amanneɛ wɔ pɔ no mu no, na ɛdɔm abɔ dɔmpem wɔ pɔkɛseɛ no ano dada. Wɔpueiɛ ara na ɛdɔm no de anigyeɛ ahyia wɔn kwan. Wɔyɛ Otumfoɔ Ɔsɛe Tutu a ɔdi kan no awoɔ ho yɛkyerɛ wɔ hɔ ara. Wɔwie a, na wɔde nigyeɛ ne osebɔ kɔ fie.[7]
Baabi a menyaa mmoa firiiɛ
[sesa]- ↑ "Orpaillage clandestin: la fermeté du Roi des Ashanti qui pourrait inspirer ses homologues ivoiriens". Ivoirebusiness.net (in French). January 4, 2019. Archived from the original on November 12, 2024. Retrieved June 9, 2019.
- ↑ "Kokofu, Bekwai, Ashanti, Ghana: Location Maps". www.maphill.com. Archived from the original on July 2, 2024. Retrieved June 9, 2019.
- ↑ "Ecofest and Opemsoo Festival". Retrieved June 9, 2019.
- 1 2 "Kokofu launches biennial Opemso Festival". www.ghanaweb.com (in English). Retrieved June 11, 2019.
- ↑ theheraldteam. "Kokofu Traditional Council Launches Opemsuo Festival". Herald (in American English). Archived from the original on April 20, 2016. Retrieved June 11, 2019.
- ↑ "What are important historical events in your country/nation?". ResearchGate (in English). Retrieved June 9, 2019.
- ↑ "Media urged to launch extensive programme of education on environment". Modern Ghana (in English). February 8, 2007. Retrieved June 11, 2019.