Ɔkasamufa (Clause)

Wɔatwerɛ nsɛm wei ɛwɔ Asante kasa mu

Ɔkasamufa yɛ asɛmfua anaa nsɛm kuo bi a ɛtumi gyina hɔ yɛ ɔkasamu anaa sɛ ɛne nsɛmkuo foforɔ bɔ mu yɛ ɔkasamu. Nhwɛsoɔ;

1. Ɔbaa ha nnora
2. Dua no ware- Weinom nyinaa yɛ ɔkasamu tiawa, na ɛsan nso yɛ ɔlasamufa.
3. Kofi aba enti kɔ fie na kɔkyea no- Yei nso yɛ ɔkasamu tenten a ɛkura ɔkasamu tiawa mmiɛnsa na ebiara nso yɛ ɔkasamufa.

Ɔkasamufa ahodoɔ

Ɔkasamufa wɔ nkyekyɛmu titire mmienu;

• Ɔkasamufa titire
• Ɔkasamufa kumaa.

Ɔkasamufa Titire

Ɛyɛ ɔkasamufa a adwene a ɛwɔ mu no tɔ aso mu anaa sɛ nteaseɛ wɔ mu. Yei nti ɛsɛ sɛ yɛhyɛ no nso sɛ ɔkasamufa titire biara tumi gyina hɔ sɛ ɔkasamu tiawa. Nhwɛsoɔ;

• Abɛ no abere.
• Abɔfra no resu.
• Berɛ a mereba no, mehyiaa ɔpanin Bɛɛko.

Ɔkasamufa kumaa; Ɔkasamufa titire

Ɔkasamufa Kumaa

Yei ne ɔkasamufa a ɛntumi nnyina ne ho so gye sɛ ɛbata ɔkasamufa titire no ansa na nteaseɛ aba mu. Yei kyerɛ sɛ nteaseɛ a ɛwɔ mu no nwie pɛyɛ. Nhwɛsoɔ;

• Berɛ a Akosua rekɔ no ɔtɔɔ ɛmo.

Ɔtɔɔ ɛmo- nteaseɛ wɔ mu enti ɛyɛ ɔkasamufa titire.

Berɛ a Akosua rekɔ no- nteaseɛ nni mu, enti ɛyɛ ɔkasamufa kumaa.

• Sɛ akora ba ha, nkokɔ no bɛdwane.

Nkokɔ no bɛdwane- nteaseɛ wɔ mu enti ɛyɛ ɔkasamufa titire.

Sɛ akorɔma ba ha a- nteaseɛ nni mu enti ɛyɛ ɔkasamufa kumaa.